பக்தி இலக்கியங்களில் கறுப்பு

பக்தி இலக்கியங்களில்
கறுப்பு
என்பது அழகின் நிறமாக
பல இடங்களில் கூறப்பட்டுள்ளது.

திருமாலை ஆண்டாள்
" கண்ணன் என்னும் கருந்தெய்வம்
காட்சி பழகிக் கிடப்பேன் "

என்கிறார்.

ராமனின் கரிய உடம்பில் இருந்து
ஒளி கிளர்ந்தது என்று சொல்கிறார் கம்பர்.

(இந்து மதத்தின் முக்கிய கடவுளர்களான சிவனும் விஷ்ணுவும் கருநீலம் என்ற கரிய நிறமுடைய அழகர்களே )

கி.பி. 14 ஆம்
நூற்றாண்டின் தொடக்கம் முதலாக

தமிழ்நாட்டின் அரசியல் அதிகாரத்தை
கையில் வைத்திருந்த
அனைத்து ஆட்சியாளர்களும்

தமிழர்களின் சராசரி நிறத்தில் இருந்து
வேறுபட்ட சிவந்த நிறமுடையவர்கள்.

அவர்களால் ஆதரிக்கப்பட்ட
வட நாட்டில் இருந்து வந்த
இஸ்லாமிய ஞானிகள் ,
ஐரோப்பிய பாதிரியார்கள் ,
பிராமணர்கள்
ஆகியோர் சிவந்த நிறமுடையவர்கள்.

அரசியல் அதிகாரமும்,
ஆன்மீக அதிகாரமும்
சிவந்த நிறமுடையவர்கள் கையில்
இருந்ததால்
இந்த நிறம் மேட்டிமையின் ( கவுரவம் ) சின்னமாக, , அதிகாரம்,
அழகு நிறைந்ததாக கருதப்பட்டது.

- பண்பாட்டு அசைவுகள் ( தொ.பரமசிவன் )

----Thanks To Nagappan Sathappan